‌ سه‌ردانی شاندی کۆمه‌له‌ بۆ ده‌فته‌ری سیاسی، حیزبی دیموکراتی کوردستانی ئیران

شاندێکی کۆمه‌ڵه‌ی شۆرشگێری زه‌حمه‌تکێشانی کوردستانی ئێران به‌ سه‌رۆکایه‌تی عه‌بدوڵا موهته‌دی سکرتێری گشتی کۆمه‌له‌ سه‌ردانی بنکه‌ی ده‌فته‌ری سیاسی حدکای کرد و له‌ لایه‌ن سکرتێری گشتی حدکا به‌رێز مسته‌فا هیجری و هه‌یئه‌تی هاورێی پێشوازی لێ کرا.
به‌ پێی هه‌واڵی ناوه‌ندی خه‌به‌ری حدکا دوو وه‌ڤد له‌ فه‌زایه‌كی گه‌رم‌و سه‌میمی‌دا سه‌ره‌تا هه‌ل‌ومه‌رجی ناوچه‌‌و ئێران به‌گشتیی‌و كوردستان به‌تایبه‌تیی‌یان لێكدرایه‌وه‌. له‌ درێژه‌ی چاوپێكه‌وتنه‌كه‌دا مه‌سه‌له‌كانی پێوه‌ندی‌دار به‌ ئوپۆزیسیۆنی ئێرانی‌و حیزبه‌ سیاسی‌یه‌كانی كوردستان‌و كۆنگره‌ی نه‌ته‌وه‌كانی ئێرانی فیدراڵ‌ له‌ لایه‌ن هه‌ردوولا خرایه‌ به‌ر باس‌و له‌ سه‌ر تێكۆشان له‌ رێگای هه‌رچی زیاتر لێك نزیك خستنه‌وه‌ی هێزه‌ دێموكرات‌و پێشكه‌وتووخوازه‌كانی ئێران، پێداگیریی كرایه‌وه‌.
دوو وه‌ڤد پاش ئاڵ‌‌وگۆڕی بیروڕاكان، له‌ كۆتایی چاوپێكه‌وتنه‌كه‌دا له‌ سه‌ر دۆستایه‌تی‌و هاوكاریی هه‌رچی زیاتری حیزبی دێموكراتی كوردستانی ئێران‌و كۆمه‌ڵه‌ی شۆڕشگێڕی زه‌حمه‌تكێشانی كوردستانی ئێران، پێیان داگرته‌وه‌.

http://www.kurdistanmedia.org/NewsDetailN.aspx?id=1321&LinkID=93