دایكی شه‌هیدانی گۆره ون

       دایكی شه‌هیدانی گۆره ون
شه‌به‌ق. 2008-02-04 solin1997@yahoo.no   
تیشكی خۆر له شوختی شووشه‌ی شكاوی ماڵی داوه
بـــه‌یانی‌یه و ئاسمان هه‌تــا بلێــــــی روون و هــــه‌تاوه

له سه‌ر سوانه‌ی ماڵی ئه‌و به‌ر جریوه‌ی چــۆله‌كه‌ی دڕ
هــــــه‌وای سافی زستـانی "مــه‌ریوان"ی كردووه پـــڕ

له درزی ده‌رگـه‌وه، تیـــری سپی، چه‌شنی بـــرووسكه
تیــــژ و باریك دێ، ده‌هـاوێتــه نـــاو چــاوی، تـــرووسكه

له نــــاو ئه‌و مـــاله ره‌ش و شـــێدار و ســـارد و تاریكه
چ جوانـــــه ســه‌ما و چاوه‌بــركێی ئــه‌م تیشكه باریكه
              OOO
خه‌وی ئه‌‌مشۆی، له وه‌یشومه‌ی، خه‌یالان بێ‌به‌لا بوو
ژان و ئــــازار ،كه‌مێ كه‌متر ،بــه سه‌ر له‌شیـا كشابوو

كه چاوی ئــــه‌و، به‌یــانی زوو، روو له جوانی گـــه‌رابوو
كه تـــــۆزقالێ بزه‌ی گــه‌رمی له لێــــوان  هه‌ڵگه‌رابوو

ئه‌مــــرۆ، به‌فــری ده‌دی، زه‌رد و سپی زێــره‌وی رێ‌یـه
تیشكی‌خـۆری ده‌دی ده‌ستی ده‌هاویشته سه‌رجێ‌یه

ئه‌مـرۆ هێـــزێكی سێحــراوی  هاتبــووه ئامێـــز و ماڵی
ئه‌مرۆ یادی  منــــالی بــــــــــــوو كه ژانی راده‌مــــاڵی.
              OOO
ویستی كه به‌و هه‌سته هه‌ستێ، ژان گرتێـوه دامێنـی
ئـــــازار چریـــكانی، چنــــگه چــڵ، ئــــالاوه پشتێنـــی

چركه‌یه‌ك بوو  ئه‌و تیشكه له‌رزۆكه، غه‌یب و ئاوا بــــوو
به یادی كۆن، تـــاوێ،  هه‌تــاو، تیشكی لــه دڵ دابوو

كۆڵی ئـازار!  هه‌ستا، نه‌رم چـاوی گێــرا به هــه‌ر لاوه
هه‌ر خه‌می شین بوو له دیــــــواری ماڵی  ده‌چــۆراوه

چوو له یادی زوو، چۆله‌كه و به‌فر و تیشك و هــــه‌تاو
راپه‌ری تووند و تۆڵ، خۆی گـــرد و كۆ كرد، زوو به تاو.
              OOO
ده‌بوو هه‌ستێ، له سه‌ر پێ بێ، ده‌بوو بروا، ری ببرێ
كـۆڵ و كـــاروان مـاڵ و ملكی  بوون تـازه هه‌تا ده‌مـرێ

له‌و ساته‌وه كور و میردی شه‌هید بوون و، كه‌س و كار
به ته‌نیا به جێیان هێشت له ناو ژاناوی و خــــه‌م و ژار

له ژینــی پــر مه‌ینه‌ت و ئازار و ته‌نگ و تـــــاری ئــــه‌و 
هه‌ر كاروانی خه‌م و،خه‌می رێ بوو كه‌س و كاری ئـه‌و

به‌ڵێنی دابوو بــه‌رگی كار و  پـــــــارسایی كـــــــاته‌به‌ر
بێتـه ناو كـــــۆری كاروانی پـــر خـــه‌م و خۆف و خه‌ته‌ر.
              OOO
بێ وچان هه‌مـوو رۆژێ، هه‌مــوو ساتێ، هه‌مـوو ژیــــانی
ته‌لیسێك، به سه‌د زه‌حمه‌ت، ده‌یخاته سه‌ر مل و  شانی

كــور و مێرد كوژراو، جـــه‌رگ سووتاو، ملی رێی گرتـــووه
به به‌ر چـاوی هه‌موومــان كـۆلێ كـــــاروانی هه‌لـگرتووه.

له ده‌شت و هـه‌وراز و ناو به‌فــر و ئاوان هـــه‌ڵی گرتـــووه
له سه‌د سه‌خت و مــاه و ئه‌ستـه‌م و رازان هه‌ڵی گرتووه

له‌م‌ رێ‌یه‌ دا، شــكا قـاچ و، چـــــۆك و پشتــی دامــــالێ
به هیممه‌تــر ئه‌مما، هـــه‌وری  ناهومێـــــدی  را‌مــــالێ.
              OOO 
ئێستــه لــــه نێـــــوان پنجــوێن و مـه‌ریــوان دێ و د‌ه‌چێ
تــووشی ســه‌د داگیـــركه‌ر و "داگیــــركـــه‌ربه‌ر" ده‌بــــێ

به نێـــــو جــاش و پاســــــدار و میــــــن و دڕ و دز دا دێ
به نێـــــو شه‌خته‌به‌ندان و ســه‌خله‌ت و خـر و خـز دا دێ
              OOO
به زاری ئه‌ژدها دا دێی، كۆڵ به‌شــانی بێ‌به‌شان
ژنی ژاكاوی شه‌كه‌ت ، دڵ بـــرینـــداری پـــڕ له ژان

بۆ ژه‌مێ نانی سه‌ربه‌رزی، سـه‌دهه‌زار سه‌ختیت لـه رێ
تۆ چیای خـــۆراگری، تـــۆ بــــه‌رزی، پێشمه‌رگه‌ی له جێ

شیــــره ژن! بێــــــوه ژن! دایكی شه‌هیـــدانی گــۆره ‌ون!
هه‌موو كورد، تاكوو ئه‌به‌د، له هه‌ركوێ بن، شه‌رمه‌نده‌تن.
                                 OOO

تۆ ده‌با میــدالی ســـــه‌روه‌ریت له مل دابـــــا وه‌ك پـــه‌ری
تۆ ده‌بـــا زێــــروه‌شان بكـــرای ، بكرایــه تاجی ســــــه‌ری

ده‌ستی به‌دكـار دژ بــــه ئێمـه پـــر ستـه‌‌م‌تــــر وا له كــار
دوژمنی دڕ، دۆستی خوێــــری، بــــار و دۆخی نــــــاله‌بـار

ته‌نیــــــوێ چــه‌رخی چه‌پـه‌ل، داوی، له چـــــاوی رابه‌ران
چه‌ن هه‌وه‌سبـــازانه چـــوون ئـــاوی روبـاریـــان هه‌ڵگه‌ران
                    OOO
مخابن دایه گیان هه‌رچی كــرا، دژ به تۆ بوو ، سه‌دحه‌یف
تــۆ له ده‌ردا تـــوایه‌وه و، دۆستی به درۆش، كه‌وته كه‌یف

خاكـی رێگه‌تم من دایه، قه‌تــــره ئـاوێــكم،  چــــۆن بڵێم
به شــانــازی‌ ده‌زانـم  ســـــه‌ر لـــه پێنــاوی تـــــــۆ بنێم

گه‌رچی كورته ده‌ستی ئه‌من و، ئه‌مرۆ  مـه‌ودای رێ كه‌مه
مه‌رگی داگیــــــركه‌ر به‌لام، ئه‌ســــاسی كــــار و ریگــه‌‌مه.