دانیشتنی هاوبەشی کۆمەڵە وحیزبی دێمۆکراتی کوردستان

دانیشتنی هاوبەشی کۆمەڵە و حیزبی دێمۆکراتی کوردستان

نیوەڕۆی رۆژی یەکشەممە 25ی سەرماوەزی 86 بەرانبەر 16/12/2007، بارەگای ناوەندیی  کۆمەڵە میوانداری لێژنەیەکی سەرکردایەتی حیزبی دیموکراتی کوردستانی بۆ دانیشتنێکی هاوبەشی دوولایەنە بوو. لێژنەکەی حیزبی دێمۆکرات بە بەشداری بەڕێزان کەمال کەریمی، ئەندامی دەفتەری سیاسی، جەلیل گادانی، راوێژکاری دەفتەری سیاسیء بەڕێزان حەسەن قادرزادەء سیامەک وەکیلی ئەندامانی کومیتەی ناوەندیء خاتوو نەسرین حەداد، راوێژکاری کومیتەی ناوەندی، لە لایەن لێژنەی سەرکردایەتی کۆمەڵەوە بە سەرپەرشتی هاوڕێ ئەبووبەکر مودەڕسی ئەندامی دەفتەری سیاسیء کومەڵێکی دیکە لە ئەندامانی دەفتەری سیاسیء کومیتەی ناوەندی پێشوازییان لێکرا.
باسء تەوەری سەرەکی دانیشتنەکە پاش لێکدانەوەیەکی چروپڕی بارودوخی سیاسی ئێرانء رژیمی ئیسلامی حاکم لە ئاستی جیهانی، ناوچەییء ناوخۆیی، تاووتوێکردنی پێوستی هاوکاریء نزیکایەتیء هەوڵ بۆ هەنگاوی عەمەلی و کاری هاوبەش لە نێوان هەرتک لایەنء باقی هێزە سیاسییەکانی کوردستانی رۆژهەڵات بوو. لە باسەکانی هەردوو لایەندا وێڕای جەختکردنەوە لە سەر پڕەنسیپەکان، پێویستی سڕینەوەی ئاسەواری هەرچەشنە کێشەیەک لە موناسەباتی هێزە سیاسییەکانء بوار رەخساندن بۆ هاوکاری نزیکء دیالۆگی زۆرتر، تەئکیدی لەسەر کرایەوەو بوو بە تەوەرێکی گرینگ لە باسەکان. دانیشتنە هاوبەشەکە پاش سێ سەعاتء نیو دیالۆگء بیروراگۆڕینەوە لەسەر مەسەلە جۆراوجۆرەکان لە فەزایەکی دڵخوازء دۆستانەدا کۆتایی پێهات، دواتر لێژنەی سەرکردایەتی حیزبی دێمۆکرات لە لایەن لێژنەی رەهبەری کۆمەڵەوە بەگەرمی بەڕێکران.