کێشه‌ ناوخۆییه‌کانی که‌مینه‌ی پێشوی ناو کۆمه‌ڵه‌ ڕوو له‌ زیادبوونه

کێشه‌ ناوخۆییه‌کانی که‌مینه‌ی پێشوی ناو کۆمه‌ڵه‌ ڕوو له‌ زیادبوونه
که‌مینه له‌ پاره‌که‌وه‌و‌ه‌ که جیا بوونه‌ته‌وه‌ هێشتا نه‌یانتوانیوه‌ ئینسجام له ته‌شکیلاته‌که‌یاندا پێک‌بێنن و قسه‌ی ئه‌وه‌ی له نێو خۆیاندا ئیختیلافیان هه‌یه‌ ده‌مێکه باسی لێ‌ئه‌کرێ.به‌ پێ ئه‌و هه‌والانه‌ی که‌ له‌سه‌رچاوه‌یه‌کی باورپێکراو له‌ ناو ئوردوگای که‌مینه‌وه‌ به‌ده‌ستمان گه‌یشتوه‌ ماوه‌یه‌که‌ کێشه‌کانیان گه‌وره‌تر بووه‌ته‌وه‌ و ئه‌وترێ ڕه‌زا که‌عبی و بارام ڕه‌زایی له‌گه‌ڵ عمر ئێلخانیزاده‌ ناکۆکی له‌ به‌ینیاندا هه‌یه‌. چه‌ند مانگ له‌وه‌پێش که عمر ئێلخانیزاده‌ گه‌راوه‌ بۆ سوئێد و دواتر نه‌خۆش که‌وت و نزیکه‌ی دوو مانگ له ده‌ره‌وه‌ بوو، له‌و ماوه‌یه‌دا ڕه‌زا که‌عبی و بارام ڕه‌زایی چه‌ند جار تیمی پێشمه‌رگه‌ بۆ مه‌ئمووریه‌تی جۆراوجۆر و بۆ چه‌ند جێگایه‌ک ئه‌نێرن که ئه‌و مه‌ئمووریه‌تانه‌ زۆر ناموفق ئه‌بن و چه‌ند پێشمه‌رگه‌یان ئه‌کوژرێ و چه‌ند که‌سیان ده‌ستگیر ئه‌کرین. ئه‌وه‌ ناڕه‌زایه‌تیی زۆر له‌ نێو پێشمه‌رگه‌کانیاندا پێک‌ئه‌هێنێ و داوای کۆبوونه‌وه‌ له ڕه‌زا و بارام ئه‌که‌ن و له‌گه‌ڵیان ئه‌یکه‌نه‌ ناخۆشی و چه‌ند جار ده‌مه‌قڕه‌ و قسه‌ به‌ یه‌کتر وتن له‌ نێویاندا ڕوو ئه‌دا. له‌ نه‌تیجه‌ی ئه‌و ناخۆشییانه‌ی نێویاندا ژماره‌یه‌ک له پێشمه‌رگه‌کانیان چه‌ک دائه‌نێن و ئێستا له نێو شاری سلیمانیه‌ خه‌ریکی کاروکاسبین. ئه‌م سه‌رچاوه‌ که‌ نه‌یه‌ویست‌ ناوی ئاشکرا بکرێت له‌ درێژه‌ی راپۆرته‌که‌یدا ده‌لی : دوای گه‌ڕانه‌وه‌ی عمر ئێلخانیزاده‌ له سوئێد کێشه‌کانیان قووڵتر ئه‌بێته‌وه‌ و بۆ ماوه‌ی نزیک هه‌فته‌یه‌ک ته‌له‌فون له هه‌موو که‌س ئه‌ستێننه‌وه‌ و هاتووچۆیان بۆ شار ڕائه‌گرن و خۆیان زۆر مه‌حدوود ئه‌که‌نه‌وه‌. له یه‌کێک له‌و کێشانه‌ی که له‌و ماوه‌یه‌دا له‌ نێوانیان ڕوو ئه‌دا پێشمه‌رگه‌یه‌کیان به نێوی ناصر س. به‌توندی له کیومرث رستمی که ئه‌ندامی جێگری کۆمیته‌ی ناوه‌ندیانه ئه‌دا، جه‌ماعه‌تی واحیدی ئاماده‌ ئه‌یانه‌وێ ناصر بگرن و کیومرث له ژێر ده‌ستی ده‌ربێنن، ناصر پێشمه‌رگه‌یه‌کیان چه‌ک ئه‌کا و ده‌ست ئه‌کا به ته‌قه‌کردن. هه‌رچۆنێک بێ ناصر ئه‌گرن و 7- 8 ڕۆژ زیندانیی ئه‌که‌ن. ئێستا ناصریان ئازاد کردوه‌ به‌ڵام له حیزبه‌که‌یان ده‌ر کردوه‌ و له ناو شار به‌دوای کاردا ئه‌گه‌ڕێ.  ئه‌م سه‌رچاوه‌ هه‌روه‌ها ئاماژهه‌ به‌ کێشه‌ له‌ سه‌ر چونیه‌تی سه‌بت کردنی ته‌له‌فزیۆنه‌که‌یان ده‌کات و ده‌لێت : کێشه‌ی قووڵ له‌ نێوان بارام ڕه‌زایی و ڕه‌زا که‌عبی له‌گه‌ڵ عمر ئێلخانیزاده‌ هه‌یه‌ و بارام و ڕه‌زا پێیان وایه‌ عمر ئێلخانیزاده‌ هه‌موو شتێکی خستوه‌ته‌ ژێر چنگی خۆی و له‌وانه ته‌له‌ویزیۆنه‌که‌ی به نێوی خۆی و خێزانه‌که‌ی و خۆشکه‌که‌ی کردوه‌ و به‌شی بارام و ره‌زای له‌ به‌رچاو نه‌گرتوه‌. گۆیا بارام که‌ له‌سه‌ر سه‌فه‌ر بۆ گه‌رانه‌وه‌ بۆ ئالمان بوه‌ و ته‌نانه‌ت بلیتیشی کریوه‌ له‌به‌ر ئه‌و کێشانه سه‌فه‌ره‌که‌ی جارێ دواخستوه‌.