ئاسۆی دزیی داخۆ چی بێت ؟

ئاسۆی دزیی داخۆ چی بێت ؟

هه‌موومان وه‌ بیرمان دێت له ‌روژانێکی نه چنده دور له‌م دورانه‌ی خۆمان سالهای سال بوو که کوردی رۆژهه‌ڵات ئارزوی ئه‌وه‌ی ده‌کرد که ئه‌ویش وه‌کو گه‌لانی تر ده‌نگ و ره‌نگی خۆی هه‌بیت، ده‌نگی هه لبریت، قسه‌ی دڵی بلاو بیته‌وه‌ و باسی ئامانجه کانی بکات. دیمه‌نه‌کانی پیشان بدات، باسی پیشکه‌وتوویی و ئازادی بیروڕا و مافی ژنان و یه‌کگرتوویی کریکار و زه‌حمه‌تکیش، مه‌منوعییه‌تی کاری مندالان و دابینکردنی ئه‌منییه‌تی کومه‌لگا و عیداڵه‌تی کومه‌لایتی و ئازادی چاپه‌منی و ریکخستن  بکات. داوابکات که‌ گه‌لی کودردیش مافی یک سانی له‌ گه‌ل گه‌لانی تر هه‌بیت. دوای ساڵانیکی زۆر ئاره‌زووه‌که‌ی هاته‌دی و رۆژهه‌ڵاتیش بو به خاوه‌نی ده‌نگ و ره‌نگی خۆی. پاو قه‌ده‌میشی زۆر باش بوو، به ته‌نها نه‌مایه‌وه‌ چه‌ندین که‌ناڵی تری به‌ دووادا هات. ئه‌م ده‌نگه به هه‌موو ئه‌و که‌م و کۆڕی و دستکورتیه‌وه‌ که هه‌یبوو لای خه‌لکه‌وه‌ ئازیز بو. یارمه‌تیان ده‌دا، ته‌له‌فونیان بۆ ده کرد و ده‌وڵه‌مه‌ندیان ده‌کرد و بۆ بینینی زۆر ته‌قه‌لایان ده‌دا. مه‌ئمورانی رژیم ئانتینه‌کانیان ئه‌برد، خه‌لکیش یارمه‌تی یه‌کتریان ئه‌دا و قایمیان ده‌کرد تا له چاوی دوژمن بی پارێزن. سه‌رتان نه‌ێشێنم زۆر دڵیان پی خۆش بوو و شانازیان پیوه‌ ئه‌کرد، به‌ڵام له ناکاو ئه‌م دنه‌گه کپ کرا. هه‌رکه‌سه به جوریک به دوای هۆیه‌که‌یدا ده‌گه‌ڕا، یه‌کێک پی وا بوو که‌ جمهوری ئیسلامی وه‌کو تورکیه زۆری هیناوه و دایخستووه، یه‌کیتر پی وا بو له به‌ر بێپوڵی داخراوه‌، زۆرکه‌سیش وه‌یانده‌زانی گیره‌نده‌که‌یان تێکچووه‌ و ده‌سکاری ئامێره‌کانیان ده‌کرد، هه‌ندێ که‌سیش به ته‌له‌فونکردن به دوای هۆیه‌که‌یه‌وه بوون.
دواتر خه‌به‌ر هات که که‌ره‌رسته‌کانی رۆژهه‌ڵات تی‌ڤی دزراوه. هه‌مو ئه‌م پرسیاره‌یان له یه‌کتر ده‌کرد داخۆ کی دزیبێتی؟ هه‌موو وڵامه‌کان رووی له ناحه‌زان و نه‌یارانی گه‌لی کورد بو، ئاخر کی واده‌کات غه‌ێری ئه‌وان نه‌بێت؟ ئه‌وه‌ نییه‌ ده‌وڵه‌تی تورک هه‌موو هه‌وڵی خۆی خستوته‌ گه‌ڕ ئه‌و کاره بکات. ئه‌ی کێ ده‌یکات؟ که‌سانی ناڕازی ناو خۆ؟ باوڕناکه‌م، ئه‌وان باسی ئه‌وه‌ ده‌که‌ن که‌ دژبه‌ که‌نده‌ڵی و خوازیاری چاکسازین، ئه‌وان ده‌ڵێن خوازیاری چون بۆ قندیل و شتی له‌ونه‌وعه‌ن. ئاخر دیموکراسی خۆ وانیه که‌مینه و زۆرینه‌یک هه‌یه، که‌مینه ده‌بیت مافی خۆی هه‌بیت و له‌ هه‌مان کاتدا به ئه‌ قه‌ده‌ر گڵێمی خۆی پا داکێشێت، ئه‌گه‌ر وانه‌بیت ده‌بێته دیکتاتوریه‌ت و که‌مینه زوڵم له زۆرینه ده‌کات. مه‌گه‌ر له دیکتاتوریه‌ت دا وا نییه؟ تازه‌ تو بڵێی هه‌موو ئه‌و  ئازادیخوازانه له ئاستی بێده‌نگکردنی ئه‌و تێله‌ڤیزیۆنه‌دا هه‌ر وا بێده‌نگ بن و چاوی خۆیانی لی ببه‌ستن؟
که‌م که‌م زه‌مان گوزه‌را و مانگانی به‌سه‌ردا تێپه‌ڕی رؤژ هه‌ڵات تی‌ڤی که‌وته‌وه‌کار و دیسان بووه‌وه‌ به‌ مێوانی ماڵان. ره‌ونه‌قی گرته‌وه و خوشی خسته‌وه نێو دڵی دوستانی ،‌ ورده‌ ورده‌ شاشه‌که‌ی ره‌نگینتر بووه‌ته‌وه‌ و هه‌ر چی زه‌مان تێده‌په‌ڕی باشتر ده‌بێت. دزه‌بۆریش پێوایه‌‌ خه‌ڵک له‌بیریان چووه‌ته‌وه که به‌و کاره نا حه‌زه‌ی دڵی خه‌ڵکی شکاند و بۆ ماوه‌ی چه‌ندین مانگ ئه‌و دنه‌نگه حه‌قخوازانه‌ی کپ کرد‌، ئیستا ئیتر ورده ورده که‌ره‌سه‌کانیان له ژێرخانه‌کان در هیناوه‌ و پێیان وایه که‌ ئه‌گه‌ر وه‌ک که‌و سه‌ریان له بن به‌فر بکه‌ن که‌س چاوی لێیان نابێت ویا خۆود له سه‌ر که‌م بیرو هوشیی خه‌لک حیسابیان کردوه‌توه‌ و به‌نێوی (ئاسو) ده‌ستیان کردووه به بلاو کردنه‌وه‌ی به‌رنامه. له خۆمم پرسی ئاخۆ باسی چی بکات؟ ئاخو داری دزی سه‌مه‌ره‌که‌ی چی بیت؟ تو بڵێیت ئه‌م جاره‌ش ئازادیخوازان و دۆستانی کۆمه‌ڵه بێده‌نگ بن و بڵین لێمان روون نییه. دوور له ئیسته، جاری جاران دزی عیب بو به‌تایبه‌ت لای خه‌ڵکی شۆڕشگێڕ که پاکی و سداقه‌ت و له‌خۆ بوردوویی و دانانی قازانجی خه‌ڵک له لای سه‌رووی قازانجی خۆ له‌ نێویاندا سوننه‌ت بوو و گیانی خؤیان له  پێناو به‌خت ده‌کرد. به‌ڵام ئێستا دزه‌که‌ خوی به رابه‌ر و مافخواز و که‌مایه‌تی سیاسی داده‌نێت و له مه‌جالیس حازر ده‌بێت. تو بڵیت له داهاتو دا له پیناوی ده‌سه‌ڵاتی خۆیان و حیزبه‌که‌یان پاک بن و گنده ڵ نه بن.  
شاعێر ووته‌نی:
   خشتی ئه وڵت که نا به لاری       تا ئاسمان ئه روات دیواربه لاری
  زه‌بون  20/8/2008